चालू घडामोडी सराव पेपर 26 Octomber 2021

दोनही विधाने अचूक आहेत, त्यामुळे पर्याय (C) उत्तर आहे. INS विक्रांत ही देशातच बांधण्यात आलेली पहिली विमानवाहू युद्धनौका आहे. INS विक्रांत या भारताच्या प्रथम स्वदेशी विमानवाहू जहाजाचे बांधकाम केरळच्या कोची येथे कोचीन शिपयार्ड लिमिटेड ही कंपनी करीत आहे

चीन देशाच्या चायना एरोस्पेस सायन्स अँड टेक्नॉलॉजी कॉर्पोरेशन (CASC) या अंतराळ कंपनीने 24 ऑक्टोबर 2021 रोजी शिजियान-21 नामक नवीन उपग्रह यशस्वीरीत्या अंतराळात प्रक्षेपित केला. अंतराळातील कचरा नष्ट करण्याच्या तंत्रज्ञानाची चाचपडताळणी करण्यासाठी या उपग्रहाचा वापर केला जाईल

दरवर्षी 24 ऑक्टोबर या दिवशी संयुक्त राष्ट्रसंघ दिवस साजरा करतात. 2021 हे वर्ष संयुक्त राष्ट्रसंघाचे 76 वे वर्धापन वर्ष आहे. आंतरराष्ट्रीय सहकार्याला प्रोत्साहन देण्यासाठी संयुक्त राष्ट्रसंघ (UN) या आंतरसरकारी संघटनेची स्थापना दुसर्या महायुद्धानंतर 24 ऑक्टोबर 1945 रोजी करण्यात आली. त्याचे मुख्यालय मॅनहॅटन (न्यूयॉर्क शहर, अमेरिका) येथे आहे. संघटनेच्या उद्दिष्टांमध्ये आंतरराष्ट्रीय शांतता आणि सुरक्षा राखणे, मानवी हक्कांना प्रोत्साहन देणे, सामाजिक आणि आर्थिक विकासाचे वृद्धीकरण, पर्यावरणाचे संरक्षण आणि दुष्काळ, नैसर्गिक आपत्ती, आणि सशस्त्र संघर्ष अश्या घटनांमध्ये मानवतावादी मदत प्रदान करणे या बाबींचा समावेश आहे.

दरवर्षी 24 ऑक्टोबर ते 31 ऑक्टोबर 2021 या कालावधीत जगभरात जागतिक माध्यम आणि माहिती साक्षरता सप्ताह पाळण्यात येतो. 2021 साली सार्वजनिक हितासाठी माध्यम आणि माहिती साक्षरता या संकल्पनेखाली, दक्षिण आफ्रिका या देशाने दहाव्या जागतिक माध्यम आणि माहिती साक्षरता सप्ताह निमित्त जागतिक कार्यक्रमाचे आयोजन केले

भारतीय रिझर्व्ह बँकेने (RBI) देशातील बिगर-बँकिंग वित्तीय कंपन्यांसाठी (NBFCs) सुधारित स्तरनिहाय नियमन (SBR) कार्यचौकट निश्चित केली आहे. ही मार्गदर्शक तत्त्वे 01 ऑक्टोबर 2022 पासून लागू होतील. स्तरनिहाय नियमनासाठी NBFC कंपन्यांना त्यांच्या आकार, क्रियाकलाप आणि जोखम या घटकांच्या आधारावर पुढीलप्रमाणे चार स्तरांमध्ये विभागले - NBFC-बेस लेयर (NBFC-BL), NBFC-मिडल लेयर (NBFC-ML), NBFC-अप्पर लेयर (NBFC-UL) आणि NBFC-टॉप लेयर (NBFC-TL)

बन्नी' नावाच्या म्हैस-जातीच्या भारतातील पहिल्या IVF (इन-व्हिट्रो फर्टीलायझर) रेडकूचा जन्म गुजरातच्या गीर सोमनाथ जिल्ह्यातील धनेज येथे झाला. ते IVF (इन-व्हिट्रो फर्टीलायझर) तंत्रज्ञानाच्या मदतीने जन्मलेले भारतातील सर्वात पहिले रेडकू ठरले आहे

दरवर्षी 24 ऑक्टोबर या दिवशी आंतरराष्ट्रीय मुत्सद्दी दिवस साजरा करतात. प्राचीन काळापासून जगाला आकार देण्यामध्ये मुत्सद्द्यांनी दिलेल्या योगदानाचा सन्मान करणे हे या दिवसाचे उद्दीष्ट आहे.

वेंकटराघवन सुभा श्रीनिवासन हे "द ऑरिजिन स्टोरी ऑफ इंडियाज स्टेट्स" हे शीर्षक असलेल्या पुस्तकाचे लेखक आहेत

देशातील सर्व मतदान केंद्रांच्या डिजिटल मानचित्रणासाठी भारतीय निवडणूक आयोगाने (ECI) गरुड नामक एक मोबाइल अॅप तयार केले. अॅपद्वारे, केंद्रावरील नियुक्त अधिकारी (BLO) त्यांच्या नोंदणीकृत मोबाईल क्रमांकावरून केंद्राचे अक्षांश आणि रेखांश यांसारख्या माहितीसह मतदान केंद्रांचे छायाचित्र आणि ठिकाण यांची माहिती अपलोड करतील

दरवर्षी 24 ऑक्टोबर या दिवशी जागतिक विकास माहिती दिवस साजरा करतात. विकासाच्या समस्यांकडे जागतिक जनमताचे लक्ष वेधून घेणे आणि सर्वांगीण वाढ आणि विकासासाठी त्यांचे निराकरण करण्यासाठी आंतरराष्ट्रीय सहकार्य मजबूत करणे हा या दिवसाचा उद्देश आहे