चालू घडामोडी सराव पेपर 24 Octomber 2021

भारतीय क्रिडा प्राधिकरणाने (SAI) टार्गेट ऑलिम्पिक पोडियम स्कीम (TOPS) याचे नवीन मुख्य कार्यकारी अधिकारी (CEO) म्हणून कोमोडोर पी के गर्ग यांची नियुक्ती केली. ही नियुक्ती 25 ऑक्टोबर 2021 पासून प्रभावी आहे.

दरवर्षी 23 ऑक्टोबर या दिवशी आंतरराष्ट्रीय हिमबिबट्या दिवस साजरा करतात. 23 ऑक्टोबर 2013 रोजी, 12 देशांतील राजकीय नेते हिमबिबट्यांच्या संवर्धनाला प्रोत्साहन देणाऱ्या बिश्केक घोषणापत्र ला मान्यता देण्यासाठी एकत्र आले होते

अमेरिकेच्या NASA या अंतराळ संशोधन संस्थेने 20 ऑक्टोबर 2021 रोजी NASA संस्थेच्या व्हॉलोप्स फ्लाइट फॅसिलिटी (व्हर्जिनिया) या केंद्रांवर हायपरसॉनिक क्षेपणास्त्र तंत्रज्ञानाची चाचणी यशस्वीपणे पार पाडली. हायपरसोनिक क्षेपणास्त्र ध्वनीच्या 5 पट वेगाने प्रवास करू शकते

असो ज्वालामुखी जपान देशात आहे. हा जपानमधील सर्वात मोठा सक्रिय ज्वालामुखी आहे. हा ज्वालामुखी कुमामोटो प्रांतातील असो कुजू नॅशनल पार्कमधील क्युशू बेटावर आहे. या पर्वताची ऊंची समुद्रसपाटीपासून 1,592 मीटर एवढी आहे

स्वातंत्र्याच्या 75 व्या वर्धापन वर्षाच्या संस्मरणार्थ आझादी का अमृत महोत्सव या सोहळ्याचा भाग म्हणून, केंद्रीय लोकसेवा आयोगाने (UPSC) एक मदतक्रमांक / हेल्पलाईन (टोल फ्री क्रमांक 1800118711) कार्यरत केला आहे. आयोगाद्वारे आयोजित केल्या जाणाऱ्या परीक्षा किंवा भरती प्रक्रियेसाठी अर्ज करू इच्छिणाऱ्या किंवा अर्ज केलेल्या अनुसूचित जाती (SC), अनुसूचित जमाती (ST), इतर मागासवर्गीय (OBC), आर्थिकदृष्ट्या दुर्बल (EWS), आणि ठळक शारीरिक दिव्यांगता असलेल्या व्यक्ती (PwBD) या प्रवर्गातील उमेदवारांसाठी ही सुविधा तयार करण्यात आली आहे.

भारताच्या पश्चिम घाटातील व्याघ्र प्रकल्पाची देखरेख करणारी परंबिकुलम टायगर कन्झर्व्हेशन फाउंडेशन ही संस्था 11 व्या नॅथवेस्ट ग्रुप अर्थ हिरो अवॉर्ड्स समारंभात नेटवेस्ट ग्रुप इंडिया या संस्थेतर्फे घोषित करण्यात आलेल्या अर्थ गार्डियन अवॉर्ड 2021ची विजेता ठरली

राणी एलिझाबेथला राज्यप्रमुखच्या पदावरून हटवून देशाला प्रजासत्ताक बनविण्याची तयारी करीत असताना, बार्बाडोस देशाने डेम सँड्रा मेसन (महिला) यांना देशाचे पहिले राष्ट्राध्यक्ष म्हणून निवडले. 30 नोव्हेंबर 2021 रोजी ब्रिटनपासून मिळालेल्या बार्बाडोसच्या स्वातंत्र्याचा 55 वा वर्धापन दिन होता

फायनान्शियल अॅक्शन टास्क फोर्स (FATF) याने ऑक्टोबर 2021 या महिन्यात त्याच्या ग्रे लिस्ट मध्ये टर्की, जॉर्डन आणि माली या तीन नवीन देशांना जोडले. त्यामुळे संस्था या देशांतील आर्थिक व्यवहारांवर पाळत ठेवणार.

दक्षिण कोरिया या देशाने 21 ऑक्टोबर 2021 रोजी त्याच्या नुरी नामक पहिल्या स्वदेशी निर्मित अग्निबाणाची पहिली चाचणी घेतली. त्याचे प्रक्षेपण यशस्वी ठरले परंतु बनावट उपग्रह पृथ्वीच्या कक्षेत ठेवण्यामध्ये ते अपयशी ठरले

अमेरिकन इंटेलिजेंस कम्यूनिटी या संस्थेच्या नॅशनल इंटेलिजन्स एस्टिमेट (NIE) ऑन क्लायमेट हे शीर्षक असलेल्या अहवालात भारत, अफगाणिस्तान, हैती, कोलंबिया, म्यानमार, पाकिस्तान, इराक, उत्तर कोरिया, ग्वाटेमाला, होंडुरास आणि निकाराग्वा या 11 देशांना कंट्री ऑफ कंसर्न म्हणून वर्गीकृत करण्यात आले. अहवालानुसार ही राष्ट्रे वाढत्या वैश्विक तपमानांमुळे उद्भवणाऱ्या तीव्र आणि वारंवार उष्णतेच्या लाटा आणि दुष्काळ आणि पाणी आणि वीज टंचाई अश्या गंभीर समस्यांना सामोरे जातील