चालू घडामोडी सराव पेपर 04 Octomber 2021

बॉम्बस पेन्सिल्व्हॅनिकस ही बंबलबी या मधुमक्षिका प्रजातीची एक जात असून त्यांचा उत्तर अमेरीका या उपखंडात मूळ अधिवास आहे. आज त्यांची संख्या गेल्या 20 वर्षांत 89 टक्क्यांनी कमी झाली आहे.

भारत आणि श्रीलंका यांच्या 'मित्र शक्ती' नामक संयुक्त सैन्य कवायतीची 8 वी आवृत्ती श्रीलंका देशात 4 ऑक्टोबर ते 15 ऑक्टोबर 2021 या कालावधीत आयोजित केली जाईल.

1 ऑक्टोबर 2021 रोजी भारताच्या पुरुष टेबल टेनिस संघाने आशियाई टेबल टेनिस अजिंक्यपद स्पर्धेचे कांस्यपदक जिंकले.

भारतीय पशूशास्त्रीय सर्वेक्षण संस्था (ZSI) याच्या शास्त्रज्ञांना महाराष्ट्रातील मुंबई या शहरातील एका विहिरीत गोड्या पाण्यातील आंधळी असलेली इल या मत्स्यप्रजातीची एक नवीन जात आढळून आली. त्याला 'रक्तमिच्टीस मुंबा' असे नाव दिले गेले

सामाजिक न्याय आणि सशक्तीकरण मंत्रालयाने SACRED (Senior Able Citizens for Re-Employment in Dignity) नावाने एक संकेतस्थळ-आधारित मंच तयार केला आहे. सक्षम असलेल्या जेष्ठ नागरिकांना सन्मानाने जगता यावे यासाठी त्यांना पुन्हा नोकरीची संधी उपलब्ध व्हावी या हेतूने हा मंच तयार करण्यात आला आहे

खादी आणि ग्रामोद्योग आयोगाने (KVIC) जगातील सर्वात मोठा राष्ट्रीय ध्वज (225 फूट लांब, 150 फूट रुंद आणि 1400 किलो वजनाचा) तयार केला. 02 ऑक्टोबर 2021 रोजी महात्मा गांधींच्या 152 व्या जयंतीनिमित्त, खादी कापडाने बनविण्यात आलेल्या या ध्वजाचे लेह (लडाख) येथे अनावरण करण्यात आले.

भारताच्या पर्यावरण, वन आणि हवामान बदल मंत्रालयाने 'वेटलँड्स ऑफ इंडिया पोर्टल' (http://indianwetlands.in/) या मंचाचे अनावरण केले आहे. हा संकेतस्थळ-आधारित मंच जर्मनीच्या GIZ GmbH या संस्थेच्या भागीदारीने मंत्रालयाच्या "जैवविविधता आणि हवामान संरक्षणासाठी पाणथळ भूमीप्रदेशांचे व्यवस्थापन" प्रकल्पाच्या (वेटलँड्स प्रोजेक्ट) अंतर्गत विकसित केला गेला आहे. या मंचावर देशातील पाणथळ भूमीप्रदेशांचा संपूर्ण तपशील दिलेला आहे.

सामाजिक न्याय आणि सशक्तीकरण मंत्रालयाने 1 ऑक्टोबर 2021 रोजी नवी दिल्लीत वयो नमन कार्यक्रम आयोजित केला

भारतात दरवर्षी 02 ऑक्टोबर ते 08 ऑक्टोबर या काळात वन्यजीवन सप्ताह पाळला जातो. या काळात जीवसृष्टीचे संरक्षण आणि संवर्धन करण्याचा संदेश दिला जातो. 2021 साली वन्यजीवन सप्ताहची संकल्पना वने आणि उपजीविका लोक आणि ग्रहाचे पोषण (Forests and Livelihoods Sustaining People and Planet) ही आहे.

उत्तर प्रदेश सरकारने कंगना रनौत या अभिनेत्रीची "एक जिल्हा-एक उत्पाद" योजनेसाठीची ब्रँड अॅम्बेसेडर म्हणून निवड केली आहे